கற்பனையின்பம்

கற்பனை  என்பது   புலன்கள்  நேரே  ஒரு  பொருளை  அனுபவியாத  காலத்திலும்  அந்தப்  பொருளை  நினைவுக்குக் கொண்டு  வந்து  அப் பொருளினிடத்து  மீண்டும்  அனுபவத்தை  ஏற்ற வல்ல  ஒருவகை ஆற்றல்.கவிதைத் திறன்  கவிதைகளைக் கனிவித்துக்  கற்போரின்  மனத்தை  விரிந்த  பார்வையில்  செலுத்த வல்லது.காலைக் கதிரவனை  வருணிக்கும்  பாரதியின்  அற்புதச்  சொல்லோவியம்.

                        தங்கம்   உருக்கித்  தழல்  குறைத்துத்  தேனாக்கி

                        எங்கும்    பரப்பியதோர்    இங்கிதமோ?

இளஞ் சூரியனின்  கதிர்கள்  உருக்கி ஓடவிட்ட  தங்கம் போல் பரவி வருகின்றனவாம்.உருக்கிய  தங்கமாயினும்  என்ன  மாயத்தாலோ  சூடு  குறைந்து இருக்கின்றதாம்.இத்தகைய  ஒளியுடன்  அக் காட்சியில் இனிமையும் கலந்து  கொஞ்சுவதைக் காணலாம்.இதைத்தான்கவிஞன் ''தழல்  குறைத்துத் தேனாக்கி''என்று  இங்கிதமாக  வெளியிட்டுள்ளான்.